Sur la vaporŝipo

 

Sur la vaporŝipo

('Natten breder sine vinger')

Teksto :

Muziko : E. Hornemann

Traduko: Kaj Røssum

Etendiĝas nokt-flugiloj,

steloj ariĝas sur blua velur',

vespersonas sonoriloj

ĉio pretiĝas por hejma vetur'.

Nur veturu, laŭ prefero!

Ŝipo atendas, per ĝi iros ni

en kvieta la vespero

sur ĉarma SUNDO en blu-harmoni'.

Aŭdu kanton de l' ŝipantoj,

tonoj logante nin gvidas al ĝi.

La undinaj aŭskultantoj

vidu ĉe ŝipe proksime al ni.

Kaj sopiro pro la kanto

eĉ ĉe la ĉasta bonmora driad'.

Vidu arbon ĉe la rando

klinas sin mare por bon-aŭskultad'.

Sundajn ondojn ŝipo formas.

De la vilaĝo ekbrilas lumad'.

Nur la fiŝkaptistoj dormas

kaj sin ripozas por frua agad'.

Lasu dormi laŭ prefero!

Ni ja kantadas, kantadas ja ni

en kvieta la vespero

sur ĉarma SUNDO en bluharmoni'.

La maro ĉirkaŭ Danio.

La maro ĉirkaŭ Danio

('Havet omkring Danmark')

Teksto : L.C.Nielsen

Muziko : Carl Nielsen

Traduko: Kaj Røssum

Maro ĉe Danio

patrina nia mar',

kun okula bluo

kaj kun tener' de sonĝoj.

Memorigaj ondoj

bordiĝas tie ĉi.

La sopir' dotita de vi.

Refreno:

Nin gvidas via voj',

validas via leĝ'.

Ni plugas viajn ondojn

per nia kila eĝ'.

Vi lulas nin tra l' mondo

al kiu ajn destin'.

Vin amas ni, ho mar',

ni apartenas vin!

Maro ĉe Danio

patrina nia mar',

griza kiel vivo

kun verdo de l' espero.

Pro ŝaŭmanta sfero

disiĝas nia land'.

Pri heroa mort' instruant'.

Refreno ...

Maro ĉe Danio

patrina nia mar',

kiel vol' obstina

kaj kiel venk' fiera.

Ĉu kiraso fera

resonas el la strand'

pro honoro al nia land'?

Refreno ...

La maro ĉirkaŭ Danio.

Brilanta maro.

 

Brilanta maro

('Glitrende hav')

Teksto : Inger Lauritzen

Muziko : Inger Lauritzen

Traduko: Kaj Røssum

Rava la mar',

bril' sen kompar',

tagojn sen vento vi donas en ar'.

Hel-variant',

ondas la kant'

ree por aŭskultant'.

Tra navigado sennombrajn horojn

maro instruas pri sia grand'.

Rulon de ondoj pens-akompanas

sur la posteno soleca gardant'.

Venta la mar',

bril' sen kompar',

noktojn sendormajn vi donas en ar'.

Bas-variant',

ondas la kant'

ree por aŭskultant'.

Suna apero, nuba subiro

flaman koloron donas la mar'.

Velas maristo al horizonto,

sentas liberon samkiel ondar'.

Brilo de l' mar',

bril' sen kompar',

tagojn sen vento vi donas en ar'.

Bel-variant',

ondas la kant'

ree por aŭskultant'.

Karenjo

 

Karenjo

('Husker du i høst?')

Teksto : Carl Ploug

Muziko : Peter Heise

Traduko: Kaj Røssum

Ĉu vi de l' aŭtuno memoras pri la promen'?

Vi min alrigardis kun la demand-mien'.

Pensis mi dum moment',

ke trompis min atent'.

:/: Diru do, Karenjo,

pri kio pensis vi? :/:

Ĉu vi de la vintro memoras, ke ĉe l' kamen'

mi fabel-rakontis - vi kun aŭskult-mien',

per via vid-intens'

konfuzis min la pens'.

:/: Diru do, Karenjo,

pri kio pensis vi? :/:

Ĉu vi de l' Kristnasko memoras pri fluta ton',

kiam ni sur planko gajdancis en salon'.

Mia intens-rigard'

ruĝigis vin ĝis ard'.

:/: Diru do, Karenjo,

pri kio pensis vi? :/:

Vidu, nun printempas! Burĝonas jam sen avar',

birdoj nest-konstruas, kaj nuptas la arbar'.

Revas laŭ am-regul'

nun ĉiu viv-spertul'.

:/: Diru do, Karenjo,

pri kio pensas vi? :/:

Oni ĝojas, kiam la suno brilas

Oni ĝojas, kiam la suno brilas

( Supre la sunveturilo kiu videblas en Nacia Muzeo en Kopenhago.)

('Man bli'r så glad, når solen skinner')

Teksto : C.V.Meincke

Muziko : Kai Normann Andersen

Traduko: Kaj Røssum

Koro saltas en la brust',

bona tag' laŭ mia gust',

ina kiso logas de lipopar'.

Movas sin pied' sen lim',

malpeziĝas la anim',

cerbo ja klariĝas, kaj mi scias ja:

Mi ĝojas, se la suno brilas

foriĝas ĝem', sopir' de l' tag'.

Pro ĝi la turoj or-similas,

la urbon premas mi en brak'.

Klarigu tion vi!

Rondire ridas mi,

nun ĝojas en liber' -

mi scias pri l' afer':

Mi ĝojas, se la suno brilas

sur reĝa urbo KOPENHAG'.

Se verdiĝas et-foli'

de mi sonas ĝoja kri',

KOPENHAG' ja estas plej bona lok'.

Se printempas en april'

kun la alaŭdeta tril',

tiam mi kunkantas pro ĉarma allog'.

Mi ĝojas, se la suno brilas,

foriĝas ĝem', sopir' de l' tag'.

Bontrov' ĉi tie ja facilas

en hejma urbo KOPENHAG'.

Ja optimismas mi

vagante tie ĉi,

ĝojiĝas per la kant'

ja ĉiu vizitant'.

Mi ĝojas, se la suno brilas

sur reĝa urbo KOPENHAG'.

Eble eĉ se vi estus malgaja, la suno gajigus vin! Nu, laŭ la virino en la sekva video.

Mi vidas la fago-helajn insulojn

Mi vidas la fago-helajn insulojn

Botanika ĝardeno, Kopenhago.

'Jeg ser de bøgelyse øer'

Teksto : L.C.Nielsen

Muziko : Thorvald Aagaard

Traduko: Kaj Røssum

La fag-insulojn sur la mar'

fiere vidas mi.

En suno delikate, perfekta idili'!

Mi bone scias laŭ mezur'

ne vasta estas ĝi

de limo ĝis al limo,

sed mia prapatri'.

Pasintajn gentojn vidas mi

dum tempo de jarcent'.:

Ĉe "Kongedybet" venko *)

ĉe "Dybbøl" ho, turment'. *)

Pri juna amo, vasta rev',

tro mankis la vizi'.

De ili ni devenas,

popolo de Dani'.

Kaj tial tre estime ni

en ajna mond-teren'

sopiras al la bordoj

de nia hejm-haven'.

Kaj ĉiun nomon de bravul'

kolektas zorge ni,

de ili ja devenis

estonto de l' naci'.

*) "Kongedybet": Parto de la Sundo inter Selando kaj Svedio. La 2an de aprilo 1801 marbatalis angloj (Nelson) kontraŭ danoj (Olfert Fischer).

**) "Dybbøl": Fortikaĵo en suda Jutlando (apud Sønderborg). Bataloj 1848 kaj 1864.

Paliĝas l' arbaro

                   Paliĝas l' arbaro

                                     ('Nu falmer skoven')

                                    Teksto :N.F.S.Grundtvig

                                     Muziko :J.H. Nebelong

                                    Traduko: Kaj Røssum

                                    Paliĝas l' arbaro tra la land',

                                    ekmutas birdo-kantoj,

                                    kun cikonioj trans la strand'

                                    nun flugas la formigrantoj.

                                   Sur kampo ĵus ondis ora lum'

                                   pro spikoj tre abundaj,

                                   sed nun vidiĝas nigra hum'

                                   kun stoploj, ho, malfekundaj.

                                  Sed en la grenejo tie ĉi

                                  abundas Di-donacoj.

                                  Pri riĉo kaj laboro pli

                                  atestas la grajn-amasoj.

                                 Jen kiel la bird' rikoltos ni

                                 sen plugo kaj semado.

                                 Ni tiam ne memoros pri

                                 la tera labor-penado.

                                 Kaj Lia spirito en prosper'

                                 plenumis la provizon.

                                 Kun kredo, amo kaj esper'

                                 ni iros la paradizon.

2. Silentu, koro! Sun' subiras.

Sun Pillar (Photo credit: tomhe)

 

Silentu, koro! Sun' subiras

Dormu, kor', subiras sun',

sube nun ĝi estas,

gregoj hejmeniras nun,

cikonio nestas.

Dormu, dormu, kor', subiras sun'.

Nun silento sur la pad'

kaj laŭ kurba vojo.

Nur malfrua la zumad'

de la burda ĝojo.

Dormu, dormu, kor', subiras sun'.

La vanel' post flugmoment'

super marĉ-lageto

sin sidigas sub tegment'

por flugila neto.

Dormu, dormu, kor', subiras sun'.

Vitroj for en orient'

arde nun ekflamas.

Erikej-laget' - sen vent'

vesper-ruĝe amas.

Dormu, dormu, kor', subiras sun'.

'Stille hjerte, sol går ned'

Teksto : Jeppe Aakjær

Muziko : T.H.Laub (1852 - 1927 - dana komponisto)

Traduko: Kaj Røssum

da: Jeppe Aakjær 1909 (Photo credit: Wikipedia)