Flirtas Haga Papilio.

 

Flirtas Haga Papilio

('Fjäriln vingad syns på Haga')

Teksto : C.M Bellmann

Muziko : C.M.Bellmann

Traduko: E. Malmgren

Flirtas Haga papilio

en nebul' kaj en sunor',

faras domon sur folio

kaj la liton sur la flor'.

Et-estaĵojn en la marĉo

naskis jam en suna varm'.

Ludas la zefira arĉo,

pompas la printempa ĉarm'.

Hago, sub printempan signon

venas ĉio en la mond',

kaj fieran blankan cignon

levas gaje blua ond'.

Fonto montras la spegulon

al arbar' en luma bril'.

Takte frapas sur betulon

kaj sur pinon la hakil'.

En Brunsviken la najadoj

levas kornojn kun plezur',

kaj torentas la kaskadoj,

tie estas Solna tur'.

Trotas en la bela tago

kun fiero ĉevalid',

dum feliĉa sin al Hago

turnas kamparan' kun rid'.

Funga Kanto

Funga kanto

(Kantebla laŭ 'I en kælder sort som kul')

Teksto : H.E.Jensen

Muziko : Hornemann

En aŭtuna la arbar'

inter arbotrunkoj

mi serĉante iras, ĉar

venis nun la fungoj!

Sub gajega melodi'

ilin enkorbigas mi

per tranĉil' kaj ungoj -

ho, vi belaj fungoj!

En aŭtuna la arbar'

velkis jam la floroj,

sed la fungoj sen avar'

brilas en koloroj:

blankaj, ruĝaj, kun ĉapel'

sur bastono - jen ombrel'!

kelkaj brilas oraj -

ho, tre belkoloraj! -

Kelkaj gustas kiel pom',

estas ja bonvenaj,

sed danĝeraj al la hom'

estas la venenaj!

"Necesegas la esplor' -

grava pli ol la kolor'" -

diris mia avo -

"estas la enhavo!"

Funga Kanto

Cedas la suno.

Cedas la suno

(melodio laŭ 'Mægtigste Kriste')

Teksto : Poul Thorsen

Muziko : Fr. Flemming

Bela septembro -

buntas la arbaro.

Naŭa monato laŭ la kalendaro.

Falas la fruktoj post ĝiskreva ŝvelo

al sia celo.

Bela septembro -

fungoj por plezuro

svarmas sur la paletro de l' naturo:

La fungiado, rava kaj horora,

mil-mil-kolora.

Bela septembro -

urĝas la rikolto.

Prujne vestiĝas jam aŭtun-heroldo.

En sia lukto, ombro kontraŭ lumo,

cedas la suno.

Bela septembro

kun stelaro klara.

Dista paseo dolĉa kaj amara

fronte al frido de futuro krude

lasas nin mute.

En la lumaj noktoj

 

En la lumaj noktoj

('Danmark, nu blunder den lyse nat')

Teksto :

Muziko : Carl Nielsen, Oluf Ring

Traduko: C. Graversen

Gardas dumdorme vin, dana land'

nun somerluma la nokto.

De kukolo en boskorand'

kaj de l' maro sub rosa strand'

sonas akord' trankvila

kiel kantet' lulila.

Kaj viaj lagoj je dormofin'

ŝajnas patrino-okuloj.

Kio dormas en via sin'

en sunlumo nun laŭdas vin,

kreskas el la abundo

de la pratemp-profundo.

Alten fordronas en lumobril'

ĵus elkovitaj alaŭdoj,

kun la lumo la birdotril'

fluas kiel dum jaroj mil.

Ĝojo en nestoj foraj

sonas el brustoj koraj.

De la ĝardenoj sambukflorar'

tra la fenestroj odoras.

Jen virkoko per krifanfar'

distrumpetas pri propra far'.

En somervento greno

ondas por homa beno.

Bovoj, ĉevaloj sur herbeben',

ŝafoj kun gajaj ŝafidoj,

grenoŝarĝoj en longa ĉen',

velkurado trans borddolmen',

suno kaj pluvvetero

oftas en la somero.

Dolĉa amemo kaj milda kant'

de l' serenkoraj knabinoj

bonaŭguras pri l' vivdemand'

senmorteco de nia land',

tagoj kun suna riĉo

kaj somernoktfeliĉo.

Sur la vaporŝipo

 

Sur la vaporŝipo

('Natten breder sine vinger')

Teksto :

Muziko : E. Hornemann

Traduko: Kaj Røssum

Etendiĝas nokt-flugiloj,

steloj ariĝas sur blua velur',

vespersonas sonoriloj

ĉio pretiĝas por hejma vetur'.

Nur veturu, laŭ prefero!

Ŝipo atendas, per ĝi iros ni

en kvieta la vespero

sur ĉarma SUNDO en blu-harmoni'.

Aŭdu kanton de l' ŝipantoj,

tonoj logante nin gvidas al ĝi.

La undinaj aŭskultantoj

vidu ĉe ŝipe proksime al ni.

Kaj sopiro pro la kanto

eĉ ĉe la ĉasta bonmora driad'.

Vidu arbon ĉe la rando

klinas sin mare por bon-aŭskultad'.

Sundajn ondojn ŝipo formas.

De la vilaĝo ekbrilas lumad'.

Nur la fiŝkaptistoj dormas

kaj sin ripozas por frua agad'.

Lasu dormi laŭ prefero!

Ni ja kantadas, kantadas ja ni

en kvieta la vespero

sur ĉarma SUNDO en bluharmoni'.