Viser opslag med etiketten B.S.Ingemann. Vis alle opslag
Viser opslag med etiketten B.S.Ingemann. Vis alle opslag

lørdag den 29. november 2014

Vintra kanto

Vintra kanto

('I sne står urt og busk i skjul')
Teksto : B.S.Ingemann
Muziko : J.P.E.Hartmann
Traduko: H.P.Frodelund

En neĝo staras ĉiu heĝ',
malvarmo estas estro,
kaj tamen kantas en la neĝ'
birdeto ĉe fenestro.

Atentu, ĝoje kantas ĝi
el sia eta koro,
kaj kreskos sur la branĉ' foli',
burĝonos ĉiu floro.

Eĉ se la frosto regas nun,
la vivo-arbo verdos,
kaj kion sonĝis vi pri sun'
en vero vi ek-spertos.

La vintra dormo de la kor'
forkuros pro somero.
Atendu, kaj Sinjora hor'
jam estas en apero.



Jen la kanto en la dana:  I sne står urt og busk i skjul/ Vintra kanto.

torsdag den 30. maj 2013

Vesperkanto




Vesperkanto


('Fred hviler over land og by')
Muziko : Rudolph Bay
Traduko: H.E. Jensen

(Dankon al Lars Kromann pro la nformoj pri H.E.Jensen.) 

La paco ĉie regas nun,
la mond' ne bruas plu;
al sia nubo brilas lun'
de la ĉiela blu'.

Profunde kuŝas en la lag'
la bildo de l' ĉiel',
paŝtisto post pasinta tag'
laŭdkantas nun en bel'.

En la ĉielo, sur la ter'
eĉ ne sin movas vent';
ho, koro, ankaŭ sen koler'
vi dormu en silent'!

Venigu pacon, mia kor',
nun ĉesu la kverel';
ĉar vidu, en vespera hor'
eliras pacanĝel'!

Li estas gasto kiel vi,
sopiras al ĉiel',
surtere tamen restas li
en stelbrilada hel'.

Vesperan kanton diras li
por vi, la pacanĝel'!
Diversajn vojojn iras ni
al sama la ĉiel'.