Solen er så rød, Mor. Panjo, tag' foriras.

Solen er så rød,

Mor.

Panjo, tag' foriras.

Tradukis: H.P. Frodelund.

Panjo, tag'foriras.

Ĉiel ruĝiĝas nun;

Bonan Nokton diras

Kaj mortas jen la sun'.

Vulpo iras en malhel',

Ĉu ŝlosis vi, patrin'?

Jen Venu al la litpanel'

Kaj kantu dormen min.

Panjo, ĉu ne limo

Ekzistas de l'ĉiel'?

Jen en malproksimo

Briletas klara stel'.

Eble knabo tie nun

Rigardas tien ĉi.

Ĉu nun li enlitigas sin

Kaj dormas kiel mi?

Panjo, nin ĉirkaŭas

Mallumo tute nun.

Jen katet'miaŭas.

En flava bril' de l' lun'.

Mevoj havas en malhel'

Ne hejmon kiel mi.

Jen kantas steloj de l'ĉiel'.

Kaj nun ekdormas mi.

Harald Bergstedt (1877 – 1965),  kies kromnomo de Harald Alfred Petersen, verkis la poemon, 'Panjo Tag' foriras'. Li estis dana verkisto, dramisto kaj poeto. Kvankam li plejparte verkis por plenkreskuloj, kaj lia ĝenro estis ĉefe satira, li ankaŭ verkis poemojn por infanoj. Tri el ili, inklusive tiu ĉi, estas ankoraŭ ŝatataj en Danio.

Kiel verkisto ktp li estis ŝatita persono, tamen el politika vidpunkto li estis malpli aprobinda,  ĉar dum la okupacio (1940 - 45) li laboris por la nazia gazeto 'Fædrelandet' (Patrolando). Pro lia kolaboracio germana   Bergstedt estis enkarcirigata dum la jaroj 1946 -48

La melodion de la kanto komponis la fama dana komponisto Carl AugustNielsen (1865 – 1931).

La tradukisto de la kantaĵo estis H.P.Frodelund.Tamen kiu li estis?

Mi jam demandis kelkajn el miaj samlandanoj pri li, tamen ĝis nun neniuj povas doni al mi informojn. Per retesploro mi trovis informojn pri iu H.P.Frodelund, kiu kompilis Dana-Interlinguan vortaron. Ĉu la tradukisto de la bela kanto kabeis, aŭ ĉu li estas nur nomfrato de la esperantisto H.P. Frodelund?

Kvankam tiom da esperantistoj jam dediĉis la libertempon Esperantigi popolajn kantaĵojn ktp ofte oni forgesas ilin, kaj unu el la forgesitaj estas H.P.Frodelund.

Mi omaĝu lin kaj ankaŭ mia samlandano kaj samideano Lars Kroman, kiu estis kolektanta multajn belegajn tradukaĵojn de la dana kantaro.